NEWS
Manchester United បានត្រៀមខ្សែការពារម្នាក់នេះរួចជាស្រេចសម្រាប់ជាដៃគូជាមួយនឹង Raphael Varane
2023-06-09 09:06:32
Manchester United ត្រូវបានគេរាយការណ៍ថាកំពុងស្ថិតនៅក្នុងការបញ្ចប់កិច្ចព្រមព្រៀងសម្រាប់ខ្សែការពារ Axel Disasi របស់ AS Monaco នៅរដូវក្ដៅនេះ។ ប្រភព L'Equipe បានរាយការណ៍ថាកីឡាករវ័យ 25 ឆ្នាំបានជ្រើសរើសចូលរួមជាមួយបិសាចក្រហមដោយ Monaco ត្រូវបានគេនិយាយថាកំពុងទាមទារចន្លោះពី 40 ទៅ 50 លានអឺរ៉ូសម្រាប់កីឡាករសញ្ជាតិបារាំង ដែលក្លឹបយក្សនៅ Premier League បើកអោយបង់ប្រាក់។ Disasi បានក្លាយជាកីឡាករសំខាន់នៅក្នុងក្រុមរបស់ Monaco ចាប់តាំងពីចូលរួមជាមួយក្លឹប Ligue 1 ពី Stade Reims ក្នុងឆ្នាំ 2020។
គាត់បានបង្ហាញខ្លួនចំនួន 49 ដងក្នុងការប្រកួតនៅរដូវកាលនេះ ដោយបាន ស៊ុតបញ្ចូលទីបាន១០គ្រាប់ផងដែរ។ ក្លឹប Manchester United ចង់ពង្រឹងការការពាររបស់ពួកគេនៅរដូវក្តៅនេះ ចំពេលមានភាពមិនច្បាស់លាស់អំពីអនាគតរបស់ Harry Maguire បន្ទាប់ពី ប្រធានក្រុមបិសាចក្រហមទំនងជានឹងចាកចេញពី Old Trafford ដោយសារបញ្ហាមិនទទួលបានកៅអី 11 នាក់ ។
មួយវិញទៀត ការសម្រេចចិត្តរបស់ Disasi ក្នុងការចាកចេញពី Monaco បានកើតឡើងបន្ទាប់ពីពួកគេបានបរាជ័យក្នុងការប្រកួតបាល់ទាត់អឺរ៉ុបកាលពីថ្មីៗនេះដោយ ក្រុម Ligue 1 របស់គាត់បានបញ្ចប់ក្នុងចំណាត់ថ្នាក់លេខ 6 ក្នុងលីគកំពូលបារាំង ។ ជាមួយគ្នានេះដែរគាត់ត្រូវបានគេមើលឃើញថាអាចជាដៃគូរសំខាន់រយៈពេលយូររបស់ Raphael Varane ដែលមានអាយុ 30 ឆ្នាំនៅ Old Trafford ប្រសិនបើគាត់ធ្វើការផ្លាស់ប្តូរនៅរដូវក្តៅនេះ។
Go to our Telegram Group
Go to our Facebook page