NEWS
Modric ៖ Orsato ជាអាជ្ញាកណ្ដាលអាក្រក់បំផុត គាត់ជាគ្រោះមហន្តរាយ
2022-12-18 11:12:41
ខ្សែបម្រើ Luka Modric ពិតជាមិនពេញចិត្តជាមួយការកាត់សេចក្ដីរបស់លោកអាជ្ញាកណ្ដាល Orsato ក្នុងជំនួបក្រូអាត ចាញ់អាហ្សង់ទីនក្នុងលទ្ធផល ៣-០ វគ្គពាក់កណ្ដាលផ្ដាច់ព្រ័ត្រ World Cup កន្លងទៅនេះទេ។ ខ្សែបម្រើដែលមានភាពចាស់ទុំ មិនសូវមាត់ក និងនិយាយច្រើនខាងលើ បានអះអាងក្រោយការប្រកួតទល់ក្រុមអាហ្សង់ទីនថា៖ “ខ្ញុំមិនដែលនិយាយពីអាជ្ញាកណ្ដាលនោះទេ ប៉ុន្តែថ្ងៃនេះវាមិនអាចទៅរួចទេដែលមិននិយាយពីគាត់។ គាត់ជាអាជ្ញាកណ្ដាលអន់បំផុតម្នាក់ដែលខ្ញុំធ្លាប់ស្គាល់។ មិនត្រឹមតែប្រកួតថ្ងៃនេះទេ គាត់បានដឹកនាំការប្រកួតច្រើនមកហើយដែលខ្ញុំបានជួប ហើយខ្ញុំមិនដែលទទួលបានរឿងល្អៗពីគាត់ឡើយ។ គាត់ជាមហន្តរាយ។ ទល់អាហ្សង់ទីនជាការប្រកួតសំខាន់ ហើយការផ្ដល់បាល់ប៉េណាល់ទីនោះក៏ជាការផ្លាស់ប្ដូរការប្រកួតផងដែរ”។ រំលឹកថាអាហ្សង់ទីន ទទួលបានបាល់ប៉េណាល់ទីសម្រាប់គ្រាប់ទី១ដែលទាត់ចូលដោយ Lionel Messi ។ ការផ្ដល់បាល់ប៉េណាល់ទីនោះដែរ គឺបន្ទាប់ពីអាជ្ញាកណ្ដាលចាប់ថ្នាក់ថា Dominik Livakovic បានបង្កកំហុសលើ Julian Alvarez ក្នុងប្រអប់គ្រោះថ្នាក់ ខណៈដែលខាងក្រូអាតមិនយល់ស្របចំពោះការសម្រេចចិត្តនោះទេ៕
Go to our Telegram Group
Go to our Facebook page