NEWS
Bayern កំពុងពិចារណាលើការផ្លាស់ប្តូរសម្រាប់អ្នកចាំទីម្នាក់នេះរបស់ Juventus
2023-07-26 09:07:25
Juventus ត្រៀមលក់អ្នកចាំទីសញ្ជាតិប៉ូឡូញ Wojciech Szczesny ចំពេលមានការចាប់អារម្មណ៍ពីក្លឹប Bayern Munich ។ អ្នកចាំទីជម្រើសជាតិប៉ូឡូញបានក្លាយជាជម្រើសទី 1 របស់ក្លឹប Bundesliga ដើម្បីជំនួសកន្លែង Yann Sommer ដែលនឹងអាចក្នុងការផ្លាស់ប្តូរទៅកាន់ក្លឹប Inter Milan ។ ប្រសិនបើ Sommer ចាកចេញ ក្លឹប Bayern នឹងត្រូវការនរណាម្នាក់ដែលមានសមត្ថភាពអាចឈរជើងជំនួស Manuel Neuer ដែលមិនបានលេងតាំងពី World Cup បន្ទាប់ពីបាក់ជើង ។
នាយកផ្នែកកីឡារបស់ Juventus លោក Cristiano Giuntoli នឹងត្រៀមខ្លួនរួចរាល់ហើយក្នុងការបញ្ចប់ការលក់អ្នកចាំទីដៃទី 1 របស់ពួកគេ ។ គាត់មានកិច្ចសន្យាដែលមានតម្លៃប្រហែល 5.6 លានផោនក្នុងមួយរដូវកាលរហូតដល់ខែមិថុនា ឆ្នាំ 2025 ទោះបីជា Juventus ត្រៀមចែកផ្លូវជាមួយគាត់នៅរដូវក្តៅនេះក៏ដោយ ។ ដោយយោងតាមសារព័ត៌មាន Repubblica កីឡាករ Giuntoli បានចាកចេញពីដំណើរកម្សាន្តរបស់ក្លឹបនៅសហរដ្ឋអាមេរិកមុនកំណត់ ដើម្បីព្យាយាម និងសម្រេចកិច្ចព្រមព្រៀងជាមួយក្លឹប Bayern Munich ។ កីឡាករវ័យ 33 ឆ្នាំដែលធ្លាប់លេងឱ្យ Arsenal និងទាំង Brentford និង Roma ក្នុងលក្ខខ័ណ្ឌខ្ចីជើងបានបង្ហាញខ្លួនចំនួន 217 ប្រកួតចាប់តាំងពីចុះហត្ថលេខាជាមួយ Juventus ក្នុងឆ្នាំ 2017 ។
នៅពេលនេះគាត់គឺសមបំផុតសម្រាប់ក្រុម Bavarian ដែលចង់ទិញអ្នកចាំទីដែលអាចទុកចិត្តបានជាមួយនឹងបទពិសោធន៍អន្តរជាតិ ។ វាហាក់ដូចជាថាក្លឹបអាល្លឺម៉ង់ចាប់អារម្មណ៍ក្នុងការទិញអ្នកចាំទី Juventus ឱ្យបានឆាប់តាមដែលអាចធ្វើទៅបាន ហើយ Giuntoli នឹងត្រូវវាយតម្លៃតម្លៃនៃការផ្តល់ជូនរបស់ពួកគេ ។ កីឡាករជើងចាស់ Sven Ulreich និងកីឡាករវ័យក្មេង Christian Fruchtl ហាក់ដូចជាមិនមានទម្រង់ដ៏ល្អក្នុងការលេងជាទៀងទាត់ក្នុងនាមជាអ្នកចាប់ផ្តើមនោះទេ បើប្រៀបធៀបទៅនឹង Szczesny ដែលនឹងមានប្រជាប្រិយភាពខ្លាំងផងដែរ ។
Go to our Telegram Group
Go to our Facebook page