NEWS
កីឡាករ Fred ចាត់ទុកពេលវេលានៅ Man Utd ថាជាក្តីសុបិន្តពិតៗ ក្រោយរូបគេផ្ទេរទៅ Fenerbahce
2023-08-13 09:08:18
Fred បានចាត់ទុកពេលវេលារបស់គាត់នៅ Manchester United ថាជាក្តីសុបិនពិតៗ ខណៈដែលកីឡាករអន្តរជាតិប្រេស៊ីលត្រៀមខ្លួនដើម្បីបញ្ចប់ការ ផ្ទេររបស់គាត់ទៅក្លឹប Fenerbahce។
ខ្សែបម្រើវ័យ ៣០ឆ្នាំរូបនេះបានផ្ទេរមក Old Trafford ពី Shakhtar Donetsk ក្នុងឆ្នាំ២០១៨ និងបានបង្ហាញខ្លួន ២១៣ប្រកួតសម្រាប់ក្លឹប។
Fred ឥឡូវនេះកំពុងធ្វើដំណើរទៅកាន់ប្រទេសទួរគីដើម្បីចូលរួមជាមួយ Fenerbahce ដែលបានយល់ព្រមលើកិច្ចព្រមព្រៀងដែលមានតម្លៃដំបូង ១០ លានអឺរ៉ូ និងកើនឡើងដល់ ១៥លានអឺរ៉ូ។
Fred បាននិយាយនៅលើប្រព័ន្ធផ្សព្វផ្សាយសង្គមថា៖ “សូមអរគុណសម្រាប់អ្វីគ្រប់យ៉ាង Manchester United។
ថ្ងៃនេះបញ្ចប់ដំណាក់កាលដ៏ស្រស់ស្អាតបំផុតមួយនៃអាជីពរបស់ខ្ញុំ។ ខ្ញុំបានរស់នៅក្នុងក្តីស្រមៃនៃការពាក់អាវរបស់ក្លឹបធំបំផុតមួយក្នុងពិភពលោក។
ឆ្លងកាត់ការឡើងចុះ ខ្ញុំចាកចេញដោយជឿជាក់ថា ខ្ញុំតែងតែផ្តល់ឲ្យអស់ពីសមត្ថភាពរបស់ខ្ញុំ ក្នុងអំឡុងពេលហ្វឹកហាត់ និងការប្រកួត ទាំងអស់។
វាជាក្តីសុបិនពិត ៥ឆ្នាំសម្រាប់ខ្ញុំ និងក្រុមគ្រួសារ។ ខ្ញុំនឹងដឹងគុណជារៀងរហូតសម្រាប់ឱកាសនេះ។ ក្រហមជារៀងរហូត”៕
Go to our Telegram Group
Go to our Facebook page