NEWS
Xavi ព្រមាន Ronaldo ថាលីគអារ៉ាប់ប៊ីសាអូឌីត មិនមែនងាយស្រួលទេ
2023-01-13 01:44:00
លោក Xavi បានព្រមានទៅកាន់ខ្សែប្រយុទ្ធ Cristiano Ronaldo ថាការទៅលេងនៅលីគអារ៉ាប់ប៊ីសាអូឌីត មិនមែនងាយស្រួលដូចការគិតនោះទេ ព្រោះពួកគេក៏មានការប្រកួតប្រជែងគ្នាខ្លាំងណាស់ដែរ។ Xavi អ្នកចាត់ការក្រុម FC Barcelona បច្ចុប្បន្ន បានចំណាយពេលដល់ទៅ៦ឆ្នាំក្នុងការដឹកនាំក្លឹបនៅកាតាក្នុងប្រទេសអារ៉ាប់មួយនេះ។ ក្នុងនោះ លោកបានដឹកនាំក្រុម Al Sadd ប៉ះជាមួយក្រុមនៅលីគអារ៉ាប់ប៊ីសាអូឌីតជាច្រើនលើក ហើយក៏មើលឃើញថាពួកគេជាក្រុមមានកម្រិតលេងខ្ពស់ផងដែរ មិនមែនងាយស្រួលយកឈ្នះនោះទេ។ ដូច្នេះហើយ ទើបលោក Xavi និយាយថាការទៅលេងនៅអារ៉ាប់របស់ Ronaldo មិនមែនជាការទៅសម្រាកមុនចូលនិវត្តន៍ស្រួលៗដូចអ្នកគាំទ្រគិតឡើយ។
រំលឹកថា Ronaldo ផ្លាស់ទៅលេងនៅក្លឹប Al Nassr កាលពីពេលថ្មីៗនេះ ក្នុងតម្លៃពលកម្មប្រមាណជាជាង២០០លានដុល្លារក្នុង១ឆ្នាំ។ កីឡាករវ័យ៣៧ឆ្នាំរូបនេះនៅមិនទាន់បានលេងនៅឡើយទេ ដោយសារតែគេជាប់បម្រាម២ប្រកួតតាំងពីលេងនៅក្លឹប Manchester United មក។ បច្ចុប្បន្ន បានត្រឹមហ្វឹកហាត់ជាមួយសមាជិកក្រុមសិន មុនពេលអាចចូលលេងបាននៅពេលផុតបម្រាម៕
Go to our Telegram Group
Go to our Facebook page