NEWS
តើអនាគតអ្នកចាំទីដៃស្អិត Keylor Navas នឹងទៅជាយ៉ាងណា?
2023-09-28 10:09:38
ស្ថានភាពរបស់ Keylor Navas នៅ PSG មិនផ្លាស់ប្តូរទេ បើទោះបីជា Luis Enrique ចូលកាន់តំណែងនៅក្លឹបក៏ដោយ។ អ្នកចាំទីរូបនេះនៅតែជាជម្រើសទីពីរ ប៉ុន្តែត្រូវបានផ្តល់ជូនផ្លូវរត់គេចដោយ Nashville SC។ យោងតាមរបាយការណ៍មួយនៅក្នុង Fichajes ថា Navas ត្រូវបានបន្ថែមទៅក្នុងបញ្ជីផ្ទេរដោយ Nashville SC នៅមុនរដូវរងាខាងមុខនេះ។ ពួកគេចង់បន្ថែមអ្នកចាំទី និងមើលឃើញតារាជម្រើសជាតិកូស្តារីការូបនេះស័ក្តិសមបំផុត។
ខាង MLS កំពុងសម្លឹងរកការបន្ថែមការប្រកួតប្រជែងក្នុងក្រុមដើម្បីប្រជែងជាមួយ Joe Willis សម្រាប់ចំណាត់ថ្នាក់លេខ 1 ។ ទោះបីជាយ៉ាងណាក៏ដោយ ពួកគេកំពុងសម្លឹងមើលកីឡាករដែលមានបទពិសោធន៍ និងមិនមែនអ្នកចាំទីវ័យក្មេងនោះទេ។ មួយវិញទៀត PSG ត្រៀមលក់ចេញនៅរដូវរងានេះ ព្រោះពួកគេមិនមានគម្រោងផ្តល់ឱ្យគាត់នូវកិច្ចសន្យាថ្មីទៀតទេ។
គួរអោយដឹងផងដែរថាកិច្ចព្រមព្រៀងបច្ចុប្បន្នរបស់អ្នកចាំទីរូបនេះនឹងផុតកំណត់នៅរដូវក្តៅក្រោយ ហើយពួកគេកំពុងស្វែងរកសាច់ប្រាក់ក្នុងពេលឆាប់ៗនេះផងដែរ។ ជាមួយគ្នានេះដែររបាយការណ៍នេះអះអាងថា Navas ក៏មានបំណងចង់ផ្លាស់ទៅក្រុម MLS ខណៈដែលគាត់សម្លឹងមើលម៉ោងប្រកួតធម្មតាវិញ។
Go to our Telegram Group
Go to our Facebook page