NEWS
កីឡាករ Sancho សង្ឃឹមថានឹងអាចចូលរួមជាមួយ Dortmund វិញក្នុងទីផ្សារដោះដូរកីឡាករខែមករា
2023-10-06 09:10:45
Sancho បានចូលរួមជាមួយ United ពីក្លឹប Bundesliga ក្នុងឆ្នាំ ២០២១ ប៉ុន្តែអាជីពរបស់គាត់បានបរាជ័យនៅ Old Trafford ក្នុងរយៈពេលពីរឆ្នាំចាប់តាំងពីការផ្ទេររបស់គាត់ក្នុងតម្លៃ ៧៣ លានផោន។
កីឡាករវ័យ ២៣ ឆ្នាំរូបនេះស្ទើរតែមិនបានលេងឱ្យ Man Utd ក្នុងរដូវកាលនេះ ហើយត្រូវបានគេទម្លាក់ចេញពីក្រុមទាំងស្រុងសម្រាប់ការចាញ់ក្រុម Arsenal ៣-១ កាលពីខែមុន។
Sancho ត្រូវបានដកចេញពីការហ្វឹកហាត់ជាមួយក្រុមដំបូង ហើយនៅតែស្ថិតក្នុងចំណុចនេះ ដោយមានប្រភពខ្លះបានលើកឡើងថាទំនាក់ទំនងរវាង Ten Hag និងកីឡាករគឺដេីរដល់ផ្លូវបំបែក។ ការសុំទោសពី Sancho អាចនាំទៅដល់ការបញ្ចូលក្រុមឡើងវិញ ទោះបីជាជាងមួយខែបានកន្លងផុតទៅចាប់តាំងពីឧប្បត្តិហេតុដំបូង តែមិនមានសញ្ញានៃការសុំទោសនោះទេ។
ក្លឹបមួយចំនួននៅប្រទេសអាឡឺម៉ង់កំពុងតាមដានស្ថានភាពដើម្បីចុះហត្ថលេខាលើ Sancho នៅដើមឆ្នាំ ២០២៤។ វាត្រូវបានគេយល់ថាអតីតក្លឹប Dortmund គឺជាក្លឹបតែមួយគត់ដែល Sancho ចង់ចូលរួម ហេីយកិច្ចព្រមព្រៀងជាមួយ Dortmund អាចត្រូវបានយល់ព្រមមុនខែមករា៕
Go to our Telegram Group
Go to our Facebook page