NEWS
អ្នកគាំទ្រដែលទាត់អ្នកចាំទី Aaron Ramsdale បានសារភាពពីកំហុសរបស់ខ្លួន
2023-02-18 02:02:50
ជឿជាក់ថាប្រិយមិត្តមួយចំនួនប្រហែលជាមិនទាន់ភ្លេចទេនៅរឿងរ៉ាវដែលអ្នកគាំទ្រម្នាក់បានរត់ទៅទាត់អ្នកចាំទី Aaron Ramsdale នៅអំឡុងពេលប្រកួតរវាង Arsenal ទល់នឹង​ Tottenham Hotspur ។ គាត់ក៏បានសារភាពថាបានបោះកាក់ចំនួន 4 ទៅលើទីលានកំឡុងពេលប្រកួត ហើយត្រូវបានចោទប្រកាន់ពីបទបោះកាំជ្រួចទៅលើកន្លែងលេងបាល់ទាត់ ។
នៅក្នុងសេចក្តីថ្លែងការណ៍របស់ជនរងគ្រោះដែលបានអាននៅកាន់តុលាការ លោក Ramsdale បានបង្ហាញថា គាត់បានទៅកន្លែងម៉ាស្សាបន្ទាប់ពីត្រូវគេទាត់ គាត់មានអារម្មណ៍ថាត្រូវធ្ងន់ ប៉ុន្តែគ្មានស្លាកស្នាមអ្វីទេ ។ សេចក្តីថ្លែងការបានបន្តថា “មិនដែលមានអ្នកអ្នកម្នាក់ហ៊ានរត់ចូលទីលានហើយទាត់ខ្ញុំពីមុនមកទេ ខ្ញុំមិនអាចទទួលយកបានទេ” ។ ជនបង្ករមានឈ្មោះថា Joseph Watts អាយុ 35 ឆ្នាំមកពី Dalston, Hackney បានបង្ហាញខ្លួននៅតុលាការ Uxbridge Magistrates បានសារភាពថា ស្រាជាអ្នកបញ្ជាគាត់ ។ យ៉ាងណាមិញក្លឹប Tottenham Hotspur បានបញ្ជាក់ថា អ្នកគាំទ្ររូបនេះប្រឈមនឹងការឃាត់ខ្លួន ខណៈដែលសមាគមកីឡាករបាល់ទាត់អាជីព និងសមាគមបាល់ទាត់ក៏បានថ្កោលទោសចំពោះបញ្ហានេះផងដែរ ។
Go to our Telegram Group
Go to our Facebook page
© 2023 Copyright ShareSport