NEWS
ខ្សែបម្រើ Federico Valverde បានច្រានចោលរឿងមួយនេះហើយ
2024-01-10 10:01:35
ខ្សែបម្រើ Federico Valverde របស់ក្លឹប Real Madrid បានច្រានចោលនៃការចាកចេញពី Real Madrid ហើយទៅចូលរួមជាមួយ Saudi Pro League ។ លីកដែលសម្បូរសាច់ប្រាក់មួយនេះបានចុះហត្ថលេខាលើកីឡាករដែលមានគុណភាពខ្ពស់ជាច្រើនមកពីជុំវិញពិភពលោកក្នុងឆ្នាំ 2023 ហើយឈ្មោះរបស់ Valverde ក៏បានកើនឡើងផងដែរ។ មួយវិញទៀតកីឡាកររូបនេះបានបិទគំនិតបែបនេះ ដោយអះអាងថា លុយមិនមែនជាកត្តាសម្រេចចិត្តសម្រាប់គាត់ទេ។
ដូចដែលបានរាយការណ៍ដោយអ្នកកាសែតអ៊ីតាលី Fabrizio Romano កីឡាករ Valverde បានប្រាប់ Movistar Futbol ថា : “វាពិតជាមិនអាចទៅរួចទេសម្រាប់ខ្ញុំក្នុងការផ្លាស់ទៅ Saudi League ដូចសព្វថ្ងៃនេះ។ ខ្ញុំនឹងនៅ Real Madrid ដែលជាក្លឹបល្អបំផុតនៅលើពិភពលោក។ គួរអោយដឹងផងដែរថា Valverde បានចុះហត្ថលេខាជាមួយ Real Madrid ពីក្លឹប Atlético Peñarol ក្នុងឆ្នាំ 2016 ក្នុងវ័យជំទង់។
គាត់បានបង្ហាញខ្លួនជាលើកដំបូងសម្រាប់ក្លឹបនៅឆ្នាំ 2018 ទល់នឹង Viktoria Plzen ក្នុង UEFA Champions League ។ ចាប់តាំងពីពេលនោះមក គាត់បានបង្ហាញខ្លួន 230 ប្រកួតឱ្យក្រុមអធិរាជសរដោយបានស៊ុតបញ្ជូលទី 18 គ្រាប់ និង 19 assists ផងដែរ។ កីឡាកររូបនេះបានឈ្នះទាំង Champions League និង La Liga ជាមួយ Real Madrid ហើយបច្ចុប្បន្នជាកីឡាករសំខាន់នៅក្នុងខ្សែបម្រើរបស់ពួកគេ។
Go to our Telegram Group
Go to our Facebook page