NEWS
នេះគឺជាមូលហេតុដែលលោក Ten Hag ដកកីឡាករពីររូបនេះចេញកាលពីយប់មិញ
2024-02-19 11:02:06
លោក Erik ten Hag អ្នកចាត់ការទូទៅរបស់ក្រុម Manchester United បានពន្យល់ពីមូលហេតុដែលលោកដក Casemiro និង Harry Maguire នៅពាក់កណ្តាលតង់ អំឡុងពេលការប្រកួតក្រៅដី Premier League របស់ពួកគេជាមួយនឹងក្រុម Luton Town នៅថ្ងៃអាទិត្យ ទី 18 ខែកុម្ភៈ។ ក្រុមបិសាចក្រហមបានគ្រប់គ្រងការឈ្នះ 2-1 ដោយមានការស៊ុតបញ្ជូលទីពី Rasmus Hojlund ។
ទោះយ៉ាងណាក៏ដោយ ទាំង Maguire និង Casemiro ត្រូវបានជំនួសពេលសម្រាកតង់ទី១ដោយ Jonny Evans និង Scott McTominay ។ ដោយសារតែ Casemiro ទទួលបានកាតលឿងនៅនាទីទី 34 សម្រាប់កំហុសលើ Amari'i Bell ខណៈ Maguire ត្រូវបានទទួលមួយដែរនៅនាទីទី 42 សម្រាប់ការប៉ះទង្គិចជាមួយនឹងកីឡាករ Carlton Morris ។ លោក Ten Hag បានពន្យល់ក្រោយការប្រកួតថាគាត់បានប្តូរចេញដើម្បីជៀសវាងកីឡាករទាំងពីរត្រូវបានបណ្តេញចេញ។
គ្រូបង្វឹកសញ្ចាតិហូឡង់បាននិយាយ (តាមរយៈ The United Stand )ថា៖ "ខ្ញុំបានឃើញប្រតិកម្មពីអាជ្ញាកណ្តាល ហើយគិតថាពួកគេអាចទៅជាមួយកីឡាករបន្ទាប់។ ជាមួយ McTominay និង Evans យើងមានការជំនួសដ៏ល្អ។ យើងកុំប្រថុយ។ ខ្ញុំគិតថាវាជាការសម្រេចចិត្តត្រឹមត្រូវ"។ គួរអោយដឹងផងដែរថា ក្រុម Manchester United ឈរនៅលេខរៀងទី 6 ក្នុងតារាងដោយមាន 44 ពិន្ទុពី 25 ប្រកួត។
Go to our Telegram Group
Go to our Facebook page