NEWS
ក្លឹប Chelsea អាចនឹងត្រូវបញ្ចេញតារាសំខាន់របស់ខ្លួនម្នាក់នេះ
2024-02-26 11:02:29
យោងតាម HITC កីឡាករ Gallagher អាចចាកចេញពី Chelsea នៅរដូវក្តៅនេះហើយក្លឹប Premier League ចំនួនបីគឺ Tottenham Hotspur, Newcastle United និង West Ham United ដែលចាប់អារម្មណ៍ក្នុងការចុះហត្ថលេខាលើគាត់។ យ៉ាងណាមិញ របាយការណ៍ក៏បានអះអាងដែរថា ខ្សែបម្រើសញ្ជាតិអង់គ្លេសមិនមានចំណាប់អារម្មណ៍ក្នុងការចាកចេញពី Stamford Bridge ឡើយ។ កិច្ចសន្យាបច្ចុប្បន្នរបស់ Gallagher នឹងផុតកំណត់នៅរដូវក្តៅឆ្នាំ 2025 ហើយខ្សែបម្រើរូបនេះមិនទាន់ត្រូវបានផ្តល់ជូនកិច្ចសន្យាថ្មីនៅឡើយនោះទេ។
មួយវិញទៀតកីឡាករវ័យ 24 ឆ្នាំរូបនេះបានលេង 34 ប្រកួតនៅរដូវកាលនេះសម្រាប់ក្រុមតោខៀវ ដោយស៊ុតបញ្ចូលទីបាន 3 គ្រាប់ និងផ្តល់ជំនួយចំនួន 6 ដងនៅគ្រប់ការប្រកួតទាំងអស់។ ថ្លែងទៅកាន់ Sky Sports មុន ការប្រកួតវគ្គផ្តាច់ព្រ័ត្រ Carabao Cup ទល់នឹង Liverpool កាលពីយប់មិញ Gallagher បាននិយាយថា“នៅសល់កុងត្រាមួយឆ្នាំកន្លះទៀតហើយខ្ញុំពិតជាចូលចិត្តលេងក្រោមអ្នកចាត់ការទូទៅលោក Mauricio Pochettino។
ការលេងស្ទើរតែគ្រប់ការប្រកួតពិតជាមិនគួរឲ្យជឿ ហើយនោះជាអ្វីដែលខ្ញុំចង់បាន... ខ្ញុំគ្រាន់តែចង់បន្តលេងឱ្យបានច្រើនតាមដែលអាចធ្វើបានសម្រាប់ Chelsea បន្តព្យាយាមកែលម្អក្លឹប និងព្យាយាមទទួលបានជោគជ័យនៅ Chelsea ។ អ្នកចាត់ការក្រុមតោខៀវលោក Mauricio Pochettino ក៏មានពាក្យសរសើរចំពោះ Conor Gallagher ផងដែរថា “គាត់តែងតែព្យាយាមប៉ះប៉ូវនៅគ្រប់កាលៈទេសៈ ក្នុងស្ថានភាពវាយលុក និងការពារ។ វាមានតម្លៃមិនអាចកាត់ថ្លៃបានក្នុងការមានកីឡាករដូចជាគាត់។
Go to our Telegram Group
Go to our Facebook page