NEWS
ក្លឹប Man Utd ត្រូវហ៊ានចំណាយលុយកំណត់ត្រា ប្រសិនបើចង់បានកីឡាកររូបនេះ
2024-03-19 09:03:58
កីឡាករ Jarrad Branthwaite ខ្សែការពារវ័យ ២១ ឆ្នាំរបស់ក្រុម Everton ដែលទើបតែត្រូវបានក្រុមជម្រើសជាតិអង់គ្លេសកោះហៅនោះ ក្លាយជាគោលដៅធំបំផុតរបស់ក្រុម Man Utd នារដូវក្តៅនេះ ស្របពេលដែលតម្លៃខ្លួនកីឡាកររូបនេះអាចនឹងមានតម្លៃថ្លៃ។
កីឡាករវ័យក្មេងរូបនេះ អាចជាការបណ្ដាក់ទុនយូរអង្វែងសម្រាប់ក្រុម Man Utd ប៉ុន្តែតម្លៃក្នុងការទិញផ្តាច់នោះ ក៏មិនតិចនោះឡើយ។ តម្លៃខ្លួនរបស់កីឡាករ Jarrad Branthwaite ចាប់ផ្តើមឡើងខ្លាំង គឺបន្ទាប់ពីកីឡាកររូបនេះបានចូលរួមលេងជាមួយក្រុម PSV នៅលីគកំពូល Eredivisie កាលពីរដូវកាល ២០២២-២០២៣ ក្នុងលក្ខខណ្ឌខ្ចីជើង។យោងតាមសារព័ត៌មាន TEAMtalk បានឱ្យដឹងថាតម្លៃខ្លួនរបស់កីឡាកររូបនេះ គឺអាចនឹងខ្ទង់ប្រមាណ ៨០ លានផោន ហើយប្រសិនបើក្លិបបាល់ទាត់ Man Utd ហ៊ានចំណាយដល់ប៉ុណ្ណឹងមែននោះ មានន័យថាតម្លៃខ្លួនកីឡាកររូបនេះនឹងស្មើជាមួយតម្លៃខ្លួនរបស់កីឡាករ Harry Maguire ដែលជាតម្លៃខ្លួនខ្សែការពារថ្លៃជាងគេក្នុងពិភពលោក។
គួរបញ្ជាក់ផងដែរថា ក្លិបបាល់ទាត់ Everton អាចនឹងយកគំរូតាម Leicester City ដែលបានលក់ខ្សែការពារ Wesley Fofana ទៅកាន់ក្រុម Chelsea ក្នុងតម្លៃខ្លួន ៧៥ លានផោនកាលពីឆ្នាំ២០២២។ គេក៏កំពុងតែរង់ចាំមើលដែរថា ក្រុម Man Utd ហ៊ានចំណាយទៅលើកីឡាកររូបនេះដែរឬយ៉ាងណា៕ប្រភព៖ TEAMtalk
Go to our Telegram Group
Go to our Facebook page