NEWS
ហេតុអ្វីបានជា LaLiga មិនមានបច្ចេកវិទ្យាបញ្ជាក់គ្រាប់បាល់ចូលទី ឬ goal-line technology?
2024-04-23 09:04:58
LaLiga បានទទួលរងនូវការរិះគន់ក្នុងអំឡុងការប្រកួត El Clasico កាលពីថ្ងៃអាទិត្យរវាង Barcelona និង Real Madrid ដោយសារមិនមានបច្ចេកវិទ្យាបញ្ជាក់គ្រាប់បាល់ចូលទី ឬ goal-line technology។
ស្របពេលដូចគ្នានេះដែរ លីគដូចជា Premier League បានប្រើប្រាស់បច្ចេកវិទ្យាមួយនេះរួចទៅហើយ។ មិនតែប៉ុណ្ណោះ ឥឡូវនេះលីគកំពូលអឺរ៉ុបមួយនេះមានបច្ចេកវិទ្យាថ្មីបន្ថែមទៀត ដោយប្រើពេលតែប៉ុន្មានវិនាទីប៉ុណ្ណោះ ដែលអាចឲ្យមន្ត្រីអាជ្ញាកណ្តាលទទួលបានសញ្ញានៅលើនាឡិការបស់ពួកគេប្រាប់ពួកគេថាតើវាចូលទី ឬអត់។
ប៉ុន្តែមិនមានបច្ចេកវិទ្យាបែបនេះនៅក្នុងក្របខ័ណ្ឌកំពូលរបស់អេស្ប៉ាញនោះទេ ដោយ El Larguero បានរាយការណ៍ថាប្រធាន La Liga លោក Javier Tebas មិនចង់បង់ប្រាក់ ២.៦លានផោនដើម្បីប្រើវានោះទេ៕
Go to our Telegram Group
Go to our Facebook page