តារាឆ្នើមម្នាក់នេះរបស់ Liverpool កំពុងត្រូវបាន Brighton ចាប់អារម្មណ៏

NEWS

2023-04-29 11:04:18

ក្រុម Brighton ត្រូវបានគេរាយការណ៍ថាកំពុងពិចារណាលើការផ្លាស់ប្តូរដ៏គួរឱ្យភ្ញាក់ផ្អើលមួយសម្រាប់ខ្សែបម្រើ James Milner របស់ Liverpool ដែលនឹងត្រូវផុតកុងត្រាក្នុងពេលឆាប់ៗនេះ។ កីឡាករសញ្ជាតិអង់គ្លេសរូបនេះអាចចាកចេញក្នុងនាមជាភ្នាក់ងារឥតគិតថ្លៃនៅចុងបញ្ចប់នៃរដូវកាលនេះ។ លោក Jurgen Klopp ចង់រក្សាគាត់សម្រាប់រដូវកាលទី 9 ជាប់ៗគ្នានៅកីឡដ្ឋាន Anfield ប៉ុន្តែក្លឹបមិនបានបង្ហាញពីចេតនាផ្តល់ឱ្យគាត់នូវកិច្ចសន្យាថ្មីនោះទេ។

យោងតាម Athletic បានឱ្យដឹងថា Brighton កំពុងពិចារណាលើការផ្ទេរដោយឥតគិតថ្លៃសម្រាប់កីឡាករវ័យ 37 ឆ្នាំនៅរដូវក្តៅនេះ ដើម្បីបន្ថែមបទពិសោធន៍ ភាពជាអ្នកដឹកនាំ និងគុណភាពដល់ខ្សែបម្រើរបស់ពួកគេ។ មួយវិញទៀត Milnerក៏មានសមត្ថភាពខ្ពស់ហើយអាចលេងបានគ្រប់ទីកន្លែងក្នុងតំបន់កណ្តាល និងជាខ្សែការពារផងដែរ។ កីឡាករ James Milner បានបង្ហាញខ្លួនចំនួន 37 ប្រកួតសម្រាប់ Liverpool នៅរដូវកាលនេះ ហើយគាត់ក៏ជាជើងខ្លាំងនៅលីគកំពូលរបស់អង់គ្លេស ដោយបានបង្ហាញចំនួនខ្លួន 613 ប្រកួតនៅ Premier League និងឈ្នះពានលីកចំនួនបីដង។ គួរអោយដឹងផងដែរថាក្រុមហង្សក្រហមត្រូវបានកំណត់សម្រាប់ការកែប្រែខ្សែបម្រើដ៏សំខាន់សារជាថ្មីថែមទៀត។ ក្លឹប Liverpool បានដាក់គោលដៅលើខ្សែបម្រើកណ្តាលមួយចំនួនដូចជា Aurelien Tchouameni របស់ Real Madrid និង Mateo Kovacic របស់ Chelsea ជាដើម។