Paris Saint Germain នឹងធ្វើរឿងមួយនេះប្រសិនបើ Sergio Ramos ចង់បន្តស្នាក់នៅ

NEWS

2023-05-04 01:05:24

ប្រធានក្លឹប Paris Saint-Germain លោក Nasser Al-Khelaifi ត្រូវបានគេរាយការណ៍ថាចង់ឱ្យ Sergio Ramos កាត់បន្ថយប្រាក់ឈ្នួលពាក់កណ្តាលប្រសិនបើគាត់ចង់បន្តនៅក្លឹបលើសពីរដូវក្តៅ។ខ្សែការពារកណ្តាលសញ្ជាតិអេស្ប៉ាញរូបនេះត្រូវបានចុះហត្ថលេខាលើការផ្ទេរដោយឥតគិតថ្លៃពី Real Madrid នៅរដូវក្តៅឆ្នាំ 2021។ មួយវិញទៀតកិច្ចសន្យារបស់ Ramos នឹងផុតកំណត់នៅចុងបញ្ចប់នៃរដូវកាលនេះ ហើយបើយោងតាម El Nacional លោក Al-Khelaifi បានស្នើសុំឱ្យគាត់កាត់បន្ថយប្រាក់ឈ្នួលរបស់គាត់ពាក់កណ្តាល។

ជាមួយគ្នានេះដែរ PSG ត្រូវបានគេរាយការណ៍ថានឹងចុះហត្ថលេខាលើ Milan Skriniar លើការផ្ទេរដោយឥតគិតថ្លៃពី Inter Milan នៅរដូវក្តៅនេះក្នុងនាមជាអ្នកស្នងតំណែងរយៈពេលវែងរបស់ Ramos ។ ដូច្នេះហើយ ខ្សែការពារកណ្តាលសញ្ជាតិអេស្ប៉ាញនឹងត្រូវទទួលយកការកាត់បន្ថយពេលវេលាលេង និងយល់ព្រមកាត់បន្ថយប្រាក់ខែប្រចាំឆ្នាំចំនួន 12 លានអឺរ៉ូ ហើយវាដូចទៅនឹងអ្វីដែរប្រធានក្លឹប Real Madrid លោក Florentino Perez បានស្នើសុំពី Ramos នៅកីឡដ្ឋាន Santiago Bernabeu កាលពីប៉ុន្មានឆ្នាំមុន។

Ramos បានបដិសេធ ហើយជ្រើសរើសផ្លាស់ទៅប៉ារីសជំនួសវិញ។ គួរអោយដឹងផងដែរថា Ramos បានបង្ហាញខ្លួនក្នុងការប្រកួតចំនួន 40 ប្រកួតនៅរដូវកាលនេះ ហើយ PSG ត្រូវបានគេនិយាយថាសប្បាយចិត្តជាមួយនឹងការសម្តែងរបស់គាត់។ ទោះជាយ៉ាងណាក៏ដោយ ពួកគេគិតថាគាត់មិនសមនឹងប្រាក់ខែបច្ចុប្បន្នដែលគាត់កំពុងបាននោះទេ។