ខ្សែការពារ​ Harry Maguire បាន​និយាយ​ទៅ​កាន់​សារព័ត៌មាន​ Sky Sports កាល​ពី​ពេលថ្មីៗ​នេះ​ថា​ គេ​មិន​ចាកចេញ​ពី​ក្លឹប​ Manchester United នៅ​បន្ត​លេង​ដដែល​នៅ​រដូវកាល​ក្រោយ​។Maguire បាន​និយាយ​ថា​៖ ទាល់​តែ​ក្លឹប​និយាយ​ថា​ចង់​លក់​ខ្ញុំ​ចេញ​ ឬ​ខ្ញុំ​លែង​ចង់​នៅ​លេង​ក្លឹប​នេះ​ទៀត​ ទើប​ខ្ញុំ​ចាកចេញ​ពី​ក្លឹប​នេះ​ "។កីឡាករ​នេះ​បន្ត​ថា​៖" អ្វី​ដែល​ខ្ញុំ​បាន​ឮ​ពី​ក្លឹប​នេះ​ ក៏​ដូច​ជា​អ្វី​ដែល​ខ្ញុំ​បាន​បង្ហាញ​ទៅ​កាន់​ក្លឹប​នេះ​គឺ​ខ្ញុំ​ជា​ផ្នែក​មួយ​នៃ​អនាគត​របស់​ក្លឹប​នេះ​។ វា​ដល់​ពេល​ហើយ​ ដែល​យើង​ត្រូវ​ខិត​ខំ​ធ្វើ​យ៉ាង​ណា​ធ្វើ​ឲ្យ​ក្លឹប​នេះ​ជោគជ័យ​ម្ដង​ទៀត​ អាច​ប្រកួត​ប្រជែង​យក​ឈ្នះ​ពាន​ធំៗ​បាន​ "។

ខ្សែប្រយុទ្ធ Cristiano Ronaldo បានក្លាយជាកីឡាករស៊ុតបាល់បញ្ចូលទីច្រើនជាងគេក្នុងមួយរដូវកាល ប្រចាំប្រវត្តិសាស្ត្រលីគបាល់ទាត់អារ៉ាប៊ីសាអូឌីត ក្រោយរកបាន ២គ្រាប់ នៅក្នុងជ័យជំនះរបស់ Al Nassr លើ Al Ittihad លទ្ធផល ៤-២ កាលពីពេលថ្មីៗនេះ។Ronaldo រកបាន ៣៥គ្រាប់ ក្នុងលីគអារ៉ាប៊ីសាអូឌីត ក្នុងរដូវកាល ២០២៣-២៤ ដោយបំបែកកំណត់ត្រារបស់ Abccderrazak Hamdallah ដែលកាន់កំណត់ត្រារកបាន៣៤គ្រាប់។

លោក Xavi Hernandez ដែលទើបត្រូវបានក្លិប Barcelona បញ្ចប់ពីតំណែងគ្រូបង្វឹក បានចាកចេញដោយការខកចិត្តបំផុត បន្ទាប់ពីព្យាយាមបំពេញការងារអោយបានល្អ ប៉ុន្តែគ្មានការសរសើរគ្រប់គ្រាន់ពីថ្នាក់ដឹកនាំរបស់ក្លិប។លោក Xavi បានចូលដឹកនាំ Barcelona ជាមួយនឹងកិច្ចសន្យារយៈពេល ៣ឆ្នាំ ជំនួសលោក Ronald Koeman នៅឆ្នាំ ២០២១។ លោកបានជួយក្រុមឈ្នះពានលីគកំពូលអេស្ប៉ាញ លើកទី២៧ កាលពីរដូវកាលមុន ។ ក្នុងចំណោមការប្រកួតចំនួន ១៤២លើក ដែលលោក Xavi បានដឹកនាំ ក្នុងនោះរកបានជ័យជំនះ ៩០ ស្មើ ២៣ និងចាញ់ ២៩លើក។ ប៉ុន្តែទោះលទ្ធផលល្អច្រើនក្តី ការមិនឈ្នះពានរដូវកាលនេះ ធ្វើអោយក្លិបបញ្ចប់តំណែងរបស់លោក។ ចាប់តាំងពីត្រូវបណ្តេញចេញ បុរសវ័យ ៤៤ឆ្នាំ បានបង្ហាញអារម្មណ៍ខកចិត្តចំពោះក្លិបដែលធ្លាប់លេងអោយរយៈពេល ១៧ឆ្នាំ បែរជាមិនសូវផ្តល់តម្លៃចំពោះរូបលោក។

កីឡាករ Kylian Mbappe បានសារភាពថាគាត់តែងតែសុបិនចង់លេងឱ្យក្លឹបយក្ស Serie A AC Milan មុនពេលគាត់ចូលនិវត្តន៍។ កីឡាករសញ្ជាតិបារាំងរូបនេះនឹងចាកចេញពីក្លឹប Paris Saint-Germain នៅរដូវក្តៅនេះនៅពេលផុតកំណត់នៃកិច្ចសន្យារបស់គាត់ ហើយត្រូវបានគេរំពឹងយ៉ាងទូលំទូលាយថានឹងចូលរួមជាមួយក្លឹប Real Madrid លើការផ្ទេរដោយឥតគិតថ្លៃ ជាមួយនឹងការបញ្ជាក់ពីអនាគតរបស់គាត់ ដែលរំពឹងទុកនៅថ្ងៃខាងមុខនេះ ។

ក្លឹបបិសាចក្រហម Manchester United អាចនិងមិនបានលេងពានរង្វាន់លំដាប់ទីពីរនៅអឺរ៉ុប UEFA Europa League នៅរដូវកាលក្រោយនោះទេ បើទោះបីជាពួកគេបានឈ្នះពាន​រង្វាន់ FA Cup កាលពីពេលថ្មីៗនេះក៏ដោយ។ ពីដំបូងឡើយ Manchester United គ្មានកៅអីលេង Europa League នោះទេក្រោយពួកគេបានបញ្ចប់ក្នុងចំណាត់ថ្នាក់លេខ 08 នៅក្របខ័ណ្ឌ Premier League ។

ក្រុម Bayer Leverkusen បានឈ្នះពានរង្វាន់ក្របខណ្ឌលីគកំពូលអាល្លឺម៉ង់ Bundesliga និងពាន German Cup ជាពានរង្វាន់ចំនួន ២ ក្នុងមួយរដូវកាល និងលើកដំបូងប្រចាំប្រវត្តិសាស្ត្ររបស់ក្រុម។ សមិទ្ធផលល្អបែបនេះ បានធ្វើឱ្យគ្រូបង្វឹក លោក Xavi Alonso និយាយថា រដូវកាល ២០២៣-២៤ ប្រៀបបានជាក្តីសុបិនដ៏អស្ចារ្យ មិនងាយនឹងបំភ្លេចបាន។ជាការពិត Bayer Leverkusen បានឈ្នះពានរង្វាន់បន្ថែមមួយទៀត គឺពាន German Cup ដែលជាពានទី២ប្រចាំរដូវកាល ក្រោយបានប្រកួតឈ្នះលើក្រុម Kaiserslautern មកពីលីគលំដាប់ទី២ ដោយលទ្ធផល ១-០។ ទោះបីជា Leverkusen ឈ្នះការប្រកួត ប៉ុន្តែវាហាក់មានភាពតឹងតែមួយ សម្រាប់ក្រុមម្ចាស់ពាន Bundesliga ក្នុងការយកឈ្នះទល់នឹងក្រុមមកពីលីគទី២ ខណៈខ្លួនមានកីឡាករត្រឹម១០នាក់ក្នុងទីលាន បន្ទាប់ពីកីឡាករម្នាក់ទទួលបានកាតក្រហម។ Leverkusen ទប់ទល់រហូតឈ្នះ ហើយ Granit Xhaka ជាអ្នកស៊ុតគ្រាប់ជ័យជំនះតាំងពីនាទី១៦។

កីឡាករ​ទាំង​១០រូប​នៅ​ក្នុង​លីគ​កំពូល​អឺរ៉ុប​ទាំង​៥ ដែល​រក​គ្រាប់​បាល់​បាន​ច្រើន​បំផុត​ ក្នុង​ឆ្នាំ​២០២៤​គិត​មក​ត្រឹម​ពេល​នេះ​ក្រោយ​រដូវកាល​ឆ្នាំ​២០២៣/២៤ ត្រូវ​បាន​បញ្ចប់​។ បើ​យោង​តាម​ស្ថិតិ​របស់​ Transfermarkt កាល​ពី​ពេល​ថ្មីៗ​នេះ​។ក្នុង​អត្ថបទ​នេះ​ Sabay នឹង​ធ្វើ​ការ​រៀបរាប់​លម្អិត​នូវ​កីឡាករ​៣រូប​ ដែល​រក​គ្រាប់​បាល់​បាន​ច្រើន​ជាង​គេ​បំផុត​ក្នុង​ពេល​វេលា​ខាង​លើ​នេះ​។កីឡាករ​ដែល​រក​គ្រាប់​បាល់​បាន​ច្រើន​ជាង​គេ​នោះ​គឺ​ ខ្សែ​ប្រយុទ្ធ​ Kylian Mbappe ដែល​មក​ក្លឹប​ Paris Saint Germain ដោយ​ចូល​លេង​បាន​ ២៥ប្រកួត​ និង​ស៊ុត​ចូល​ ២៣គ្រាប់​។ កីឡាករ​នេះ​ជា​កីឡាករ​ឆ្នើម​របស់​ PSG យ៉ាង​ណា​កីឡាករ​នេះ​នឹង​ចាកចេញ​ពី​ PSG ដោយ​បន្ត​ក្ដី​ស្រមៃ​នៅ​ Real Madrid នៅ​រដូវកាល​ថ្មី​ខាង​មុខ​នេះ​។

លោក Sir Jim Ratcliffe បានសរសើរក្រុម Manchester United សម្រាប់ជ័យជម្នះរបស់ពួកគេលើក្រុម Manchester City ក្នុងការប្រកួតវគ្គផ្តាច់ព្រ័ត្រ FA Cup កាលពីថ្ងៃសៅរ៍ ប៉ុន្តែមិនបានអើពើនឹងអ្នកកាសែតនៅពេលត្រូវបានសួរអំពីអនាគតរបស់ Erik ten Hag ។

លោក​ Thiago Motta នឹង​មក​ដឹកនាំ​ក្លឹប​ Juventus នៅ​ក្នុង​ឆ្នាំ​២០២៤/២៥ ខាង​មុខ​នេះ​តទៅ​ក្រោយ​ព្រមព្រៀង​ជា​មួយ​ក្លឹប​នៅ​ក្នុង​ថ្ងៃ​នេះ​។ បើ​យោង​តាម​ការ​ចុះ​ផ្សាយ​របស់​ Fabrizio Romano នៅ​ក្នុង​ថ្ងៃ​នេះ​។លោក​ Motta បាន​មក​ដឹកនាំ​ Bologna ឲ្យ​ឈរ​នៅ​លេខ​រៀង​ទី​៣ ក្នុង​តារាង​ Serie A ក្នុង​រដូវកាល​នេះ​ដោយ​ជាប់​បេក្ខភាព​អាច​ប្រកួត​ក្នុង​ UEFA Champions League នៅ​រដូវកាល​ខាង​មុខ​។គ្រូបង្គោល​ក្លឹប​អ៊ីតាលី​រូប​នេះ​នឹង​មក​ដឹកនាំ​ Juventus ជា​មួយ​នឹង​កុងត្រា​រយៈពេល​៣ឆ្នាំ​ ចាប់​ពី​រដូវកាល​ខាង​មុខ​ រហូត​ដល់​ឆ្នាំ​២០២៧។

ក្លឹប​អាល្លឺម៉ង់​ Bayern Munich កំពុង​តែ​រៀបចំ​នីតិវិធី​ក្នុង​ការ​នាំ​យក​លោក Vincent Kompany ធ្វើ​ជា​គ្រូ​បង្វឹក​របស់​ខ្លួន ស្រប​ពេល​ដែល​ ក្លឹប​នេះ​បាន​ចែក​ផ្លូវគ្នា​ជាមួយ​​លោក Thomas Tuchel ដែល​ដឹកនាំ​ក្លឹប​បាន​មួយ​ឆ្នាំ។ នេះ​បើ​តាម​ការ​ចុះ​ផ្សាយ​របស់​សារព័ត៌មាន Sky Sports។លោក Tuchel បាន​ចែកផ្លូវគ្នាជាមួយ Bayern នៅ​ក្នុង​ឆ្នាំ២០២៤ ក្រោយ​ពី​លោក​បង្ហាញ​ទម្រង់​លេង​មិន​សូវ​ល្អ។