យោងតាម​​GOAL កីឡាករ Mason Greenwood ដែលបច្ចុប្បន្នកំពុងខ្ចីជើងនៅ Getafe អាចមានសក្តានុពលចូលរួមជាមួយក្រុម Manchester United វិញក្នុងរដូវក្តៅខាងមុខនេះ។ ខ្សែបម្រើស្លាបរូបនេះត្រូវបានចុះហត្ថលេខាដោយ Getafe បន្ទាប់ពីត្រូវបានគេប្រាប់ថាពេលវេលារបស់គាត់នៅ Old Trafford បានចប់កាលពីរដូវក្តៅមុន។ ទោះជាយ៉ាងណាក៏ដោយ ការបញ្ជេញសម្ថតិភាពរបស់គាត់នៅក្នុងប្រទេសអេស្ប៉ាញ គាត់បានស៊ុតបញ្ចូលទីបាន 5 គ្រាប់ និងបញ្ជូនបាល់ឱ្យមិត្តរួមក្រុមចំនួន 4 ក្នុងការបង្ហាញខ្លួន 19 ដង។

ក្លិបបាល់ទាត់ Manchester City កំពុងប្រឈមមុខនឹងការចោទប្រកាន់ជាច្រើនពីបទរំលោភលើបទប្បញ្ញត្តិហិរញ្ញវត្ថុ បន្ទាប់ពីការស៊ើបអង្កេតដោយក្របខណ្ឌ Premier League ត្រូវបានចាប់ផ្តើមតាំងពីឆ្នាំ២០១៨។ ការចោទប្រកាន់ ដែលប្រកាសកាលពីឆ្នាំមុន គឺសំដៅទៅលើការស៊ើបអង្កេតរឿងរ៉ាវចាប់តាំងពីឆ្នាំ២០០៩ ហើយលោក Stefan Borson ដែលជាអតីតទីប្រឹក្សាផ្នែកហិរញ្ញវត្ថុរបស់ក្លិប Manchester City បាននិយាយថាក្លិប Manchester City អាចនឹងទទួលទោសធ្ងន់ដូចគ្នា ប្រសិនបើភ្នាក់ងារស៊ើបអង្កេតរកឃើញកំហុសដូចការចោទប្រកាន់។

លោក Thomas Tuchel គ្រូបង្វឹកក្រុម Bayern Munich ខឹងជាខ្លាំងក្រោយពីក្រុម Bayern Munich បរាជ័យក្រោមថ្វីជើងក្រុមភ្ញៀវ Werder Bremen ក្នុងលទ្ធផល ១-០ កាលពីថ្ងៃអាទិត្យនេះ។ គ្រាប់បាល់បញ្ចូលទីកើតចេញពីកីឡាករ Mitchell Weiser របស់ក្រុម Werder Bremen នៅតង់ទី២ បើទោះបីជាក្រុម Bayern Munich គ្រប់គ្រងបាល់បានច្រើនយ៉ាងណាក្តី ក៏ពុំអាចទម្លុះសំណាញ់ទីរបស់ក្រុម Werder Bremen បានឡើយ។ កីឡាករ Harry Kane ក៏ជាកីឡាករម្នាក់ក្នុងចំណោមកីឡាករឯទៀត ដែលធ្វើពុំបានល្អឡើយ ក្នុងការប្រកួតមួយនេះ។

លោក Erik ten Hag ចង់បាន Brian Brobbey មកកាន់ Old Trafford នេះបើយោងតាមអ្នកកាសែត Florian Plettenberg ។ ក្លឹប Manchester United កំពុងតែត្រូវការជាបន្ទាន់នូវតំណែងលេខ 9 ថ្មីនៅពេលនេះ ហើយអ្នកចាត់ការសញ្ជាតិហូឡង់ចង់បានមិត្តរួមជាតិរបស់គាត់សម្រាប់តួនាទីនេះ។ បិសាច​ក្រហម​មាន​ការ​ក្តៅ​ក្រហាយ​ចំពោះ Brobbey កាល​ពី​រដូវ​ក្ដៅ​មុន ដោយសារតែគាត់​បាន​ជ្រើស​រើស​បន្ត​នៅ Ajax ។

លោក Carlo Ancelotti អ្នកចាត់ការទូទៅរបស់ក្លឹប Real Madrid បានសុំទោសបន្ទាប់ពីក្រុមរបស់គាត់បានឈ្នះ La Liga 3-2 លើក្រុម Almeria នៅក្នុងទឹកដីកាលពីថ្ងៃអាទិត្យទី 20 ខែមករា។ គាត់បាននិយាយបន្ទាប់ពីការប្រកួតថាគាត់គួរតែជ្រើសរើសខ្សែបន្ទាត់ផ្សេងដូចកីឡាករ ហើយគាត់បានធ្វើការវាយតម្លៃខុស។ Real Madrid បាន​តាម​ពី​ក្រោយ​ដោយ​គ្រាប់​បាល់​ពីរ​គ្រាប់​មុន​ពេល​សម្រាក​តង់​ទី​មួយ​តាម​រយៈ​ការ​ស៊ុត​បាល់​បញ្ចូល​ទី​ពី Largie Ramazani និង Edgar Gonzalez ។

ខ្សែប្រយុទ្ធកូរ៉េខាងត្បូង Heung-Min Son បានផ្តួលតារាឆ្នើម Cristiano Ronaldo របស់ Al Nassr ដើម្បីឈ្នះពានរង្វាន់កីឡាករបាល់ទាត់ល្អបំផុតនៅអាស៊ីសម្រាប់ឆ្នាំ 2023។ តារាឆ្នើមរបស់ក្លឹប Tottenham Hotspur បានឈ្នះពានរង្វាន់នេះក្នុងរយៈពេលប្រាំពីរឆ្នាំជាប់គ្នា បន្ទាប់ពីរដូវកាលដ៏ល្អសម្រាប់ក្លឹប និងប្រទេស។ ពានរង្វាន់កីឡាករបាល់ទាត់ល្អបំផុតនៅអាស៊ី ត្រូវបានបង្ហាញដោយ Titan Sports ដល់កីឡាករបាល់ទាត់ល្អបំផុតដែលលេងឱ្យក្លឹប ឬប្រទេសអាស៊ី។

អ្នកកាសែត Ryan Taylor បាននិយាយថា Arsenal ទំនងជាមិនចុះហត្ថលេខាលើខ្សែប្រយុទ្ធ Brentford Ivan Toney នៅក្នុងទីផ្សារដោះដូរកីឡាករក្នុងខែមករាបាននោះទេ។ Toney វ័យ 27 ឆ្នាំត្រលប់មកវិញនៅថ្ងៃទី (17 មករា) ពីការហាមឃាត់រយៈពេលប្រាំបីខែដោយ FA សម្រាប់ការបំពានច្បាប់។ កីឡាកររបស់ Brentford មានយុទ្ធនាការដ៏រឹងមាំក្នុង Premier League កាលពីរដូវកាលមុន ដោយស៊ុតបញ្ចូលទីបាន 20 គ្រាប់ និងបញ្ជូនបាល់ឱ្យមិត្តរួមក្រុមចំនួន 4 ដងក្នុង 33 ប្រកួត។

បន្ទាប់ពីឈ្នះពានរង្វាន់ Ballon d’Or ជាលើកទី៨ ក្នុងអាជីពបាល់ទាត់របស់ខ្លួនកាលពីខែតុលា ឆ្នាំ២០២៣ នេះ កីឡាករ Lionel Messi បានបន្តឈ្នះពានរង្វាន់ FIFA The Best Men’s Player of the Year កាលពីយប់ថ្ងៃចន្ទឈានចូលថ្ងៃអង្គារនេះ។ យ៉ាងណាមិញ កីឡាករ Cristiano Ronaldo ពុំបានជាប់ឈ្មោះក្នុងការបោះឆ្នោតចុងក្រោយឡើយ។

កីឡាករសញ្ជាតិប្រេស៊ីល Guilherme Madruga បានឈ្នះពានរង្វាន់ FIFA Puskas ឆ្នាំ 2023 សម្រាប់គ្រាប់បាល់ស៊ុតបញ្ចូលទីដ៏អស្ចារ្យរបស់គាត់ឲ្យក្លឹប Botafogo ។

ជំនួប El Clasico កាលពីយប់មិញពិតជាជក់ចិត្តដិតអារម្មណ៏ក្នុងវគ្គផ្ដាច់ព្រាត់ពានរង្វាន់ Super Cup ដែរក្លឹប Real Madrid បានលត់ក្រុមអ្នកមានបុណ្យ FC Barcelona ក្នុងលទ្ធផល 4 ទល់ នឹង 1 ។ ជាមួយគ្នានេះដែរ ការប្រកួតមួយនេះក្លឹប Real Madrid បានគៀបសង្គត់ទៅលើក្រុម Barcelona ដោយកីឡាករ Jude Bellingham បានកាត់បាល់យ៉ាងស្រស់ស្អាតទៅអោយកីឡាករ Vinicius Junior ស៊ុតបញ្ចូលទី យ៉ាងស្អាតនៅនាទី ទី7 ដោយបាននាំមុខមុន 1 ទល់នឹង 0 ។