ក្លឹប Tottenham Hotspur កំពុងរកមើលកីឡាករមួយចំនួនដើម្បីកែលម្អក្រុមបច្ចុប្បន្នរបស់ពួកគេ ហើយបើតាមប្រភពពី 90នាទី បានអោយដឹងថាកីឡាករដែលពួកគេកំពុងចាប់អារម្មណ៍ជាពិសេសគឺ Pedro Goncalves ។ ជាមួយគ្នានេះ Aston Villa, Liverpool និង Newcastle United សុទ្ធតែបានឃ្លាំមើលពីសមត្ថភាពរបស់ Goncalves នៅរដូវកាលនេះ ប៉ុន្តែ Spurs ត្រូវបានគេជឿថាជាក្លឹបដែលចាប់អារម្មណ៍បំផុតក្នុងការចុះហត្ថលេខាលើគាត់ ។

ក្រុមអធិរាជសរ Real Madrid បានបើកទ្វាកីឡដ្ឋាន Santiago Bernabeu ស្វាគមន័ក្រុមភ្ញៀវ Villareal ក្នុងជំនួបពានរង្វាន់ Laliga កាលពីយប់មិញ ។ ការប្រកួតបានបញ្ចប់ទៅដោយក្រុមភ្ញៀវបានយកឈ្នះទៅលើក្រុមម្ចាស់ផ្ទះ 3-2 ។ ប៉ុន្តែមានរឿងគួរអោយចាប់អារម្មណ៍មួយបានកើតឡើងក្រោយចប់ការប្រកួតដោយកីឡាករ Federico Valverde បានរងចាំកីឡាករម្នាក់របស់ Villarreal នៅចំណតឡានក្រុង ឈ្មោះ Alex Baena ។ ពេលកីឡាកររូបនេះដើរមកដល់ Valverde បានវាយមួយដៃចូលមុខលើកីឡាកររូបនេះ ហើយពួកគេក៏ត្រូវបានប៉ូលីសចាប់បំបែក។ មានសេចក្តីរាយការណ៍មួយចំនួនបានសរសេរថា Valverde បានស្រែកឲ្យកីឡាករ Baena នេះថា “និយាយម្តងទៀតនៅពាក្យដែលឯងនិយាយឲ្យយើងនៅលើទីលាន”។

យោងតាមប្រភព ​​El Nacional បានអោយដឹងថា ក្លឹប Real Madrid ចាប់អារម្មណ៍ក្នុងការចុះហត្ថលេខាលើខ្សែប្រយុទ្ធ Rafael Leao ក្នុងតម្លៃ 70 លានអឺរ៉ូ។ បច្ចុប្បន្ន Leao លេងឱ្យក្លឹប AC Milan នៅក្នុងក្របខណ្ឌ Serie A ។ យ៉ាងណាមិញមកទល់ពេលនេះ ខ្សែបម្រើស្លាបសញ្ជាតិព័រទុយហ្គាល់រូបនេះបានរីករាយនឹងរដូវកាលជោគជយ័របស់គាត់ជាមួយក្រុម AC Milan ។ ​លើសពីនេះទៅទៀតនៅក្នុង 36 ប្រកួតគាត់ស៊ុតបញ្ចូលទីបាន 11 គ្រាប់ និង Asset 10 ដងគ្រប់ការប្រកួតទាំងអស់ នៅរដូវកាលនេះ។

កីឡាករ Erling Haaland នឹងក្លាយជាកីឡាករដំបូងគេដែលទទួលបានទឺកប្រាក់ £500K ក្នុងមួយសប្តាហ៍ជាមួយនឹងកិច្ចសន្យាថ្មីរបស់ ManCity។ខ្សែប្រយុទ្ធន័រវេសរូបនេះបានស៊ុតបញ្ចូលទី42គ្រាប់អោយក្រុម ManCity ដែលកំពុងតែស្ថិតក្នុងការស្វែងរកពានរង្វាន់ចំនួនបីដែលមានសក្តានុពលនៅរដូវកាលនេះ។សមត្ថភាពរបស់កីឡាករ Haaland ពិតជាមិនធម្មតាហើយបានទាក់ទាញចំណាប់អារម្មណ៍ពី RealMadrid ដែលត្រូវបានគេគិតថាចង់យកកីឡាកររូបនេះនៅរដូវក្តៅឆ្នាំ2024។

បន្ទាប់ពីការបង្ហាញខ្លួនកាលពីយប់មិញ Cristiano Ronaldo បាន​ក្លាយ​ជា​កីឡាករដែលបានបង្ហាញខ្លួនច្រើនបំផុតសម្រាប់ក្រុមជម្រើសជាតិពោលគឺ 197 ប្រកួត ។ កីឡាករវ័យ 38 ឆ្នាំរូបនេះក៏បានចូលរួមចំណែកស៊ុតបញ្ចូលទីពីរគ្រាប់ផងដែរក្នុងជ័យជម្នះទៅលើក្រុម Liechtenstein ក្នុងលទ្ធផល 4-0 ក្នុងវគ្គជម្រុះ Euro 2024 ក្នុងពូល J ។

ក្រុម​អ៊ីតាលី និងអង់គ្លេសនឹងជួបគ្នាក្នុងវគ្គជម្រុះ Euro 2024 ដែលធ្វើឡើងនៅទីក្រុង Naples នៅយប់ថ្ងៃព្រហស្បតិ៍។ ក្រុមអ៊ីតាលីកំពុងស្វែងរកកំណត់ត្រាឈ្នះជាប់ៗគ្នាលើក្រុមតោកំណាច​អង់គ្លេស ជាលើកដំបូងចាប់តាំងពីខែមីនា ឆ្នាំ 2002។ខណៈដែលការប្រគួតនេះជាលើកទីមួយហើយដែលអង់គ្លេស​​ និងអ៊ីតាលីត្រូវបានចាប់ក្នុងពូលដូចគ្នាក្នុងវគ្គជម្រុះជើងឯកអឺរ៉ុប ចាប់តាំងពីការប្រគួតវគ្គជម្រុះ FIFA​ World Cup ឆ្នាំ 1998 ។

កីឡាករវ័យ 27 ឆ្នាំ Timor Werner បានត្រលប់ទៅ RB Leipzig កាលពីរដូវក្តៅមុន បន្ទាប់ពីរមិនទទួលបានជោគជយ័នៅពេល លេងអោយក្រុមតោខៀវ Chelsea ។ប៉ុន្តែគាត់នៅតែអាចឈ្នះ Champions League, UEFA Super Cup និង Club World Cup កាលពីនៅ Chelsea បើនិយាយពីលទ្ធផលវិញ គាត់មិនបានបំពេញតាមការរំពឹងទុកនោះទេ។ទោះបីជាយ៉ាងណាក៏ដោយ វាជាការល្អដែលឃើញគាត់ទទួលបានទំនុកចិត្តឡើងវិញនៅក្នុងប្រទេសអាឡឺម៉ង់។ ហើយគាត់សុតបាន 10 គ្រាប់ និង assists 3 ដងក្នុងគ្រប់ការប្រកួតទាំងអស់សម្រាប់ Leipzig នៅរដូវកាលនេះ បន្ទាប់ពីបរាជ័យក្នុងការរកគ្រាប់បាល់របស់ខ្លួននៅក្រុមតោខៀវ Chelsea ។

លោក Roy Keane បាននិយាយចំៗទៅកាន់ Manchester United ថាបិសាចក្រហម "អន់ណាស់វាមិនគួរឱ្យជឿ" បន្ទាប់ពីពួកគេបានឈ្នះ 3-1 ទៅថាលើក្រុម Fulham នៅ Old Trafford កាលពីថ្ងៃអាទិត្យ។ ក្រុមរបស់លោក Erik ten Hag បានធ្វើការវាយបកពីការស៊ុតបាល់បញ្ចូលទីដោយកីឡាករ Bruno fernandes នឹងកីឡាករ Marchel Sabitzer ដើម្បីរក្សាការឆ្លងទៅកាន់វគ្គពាក់កណ្តាលផ្តាច់ព្រ័ត្រ FA Cup ។

កាលពីយប់មិញគឺមានការប្រកួតមួយក្នុងក្របខ័ណ្ឌ Laliga ដែលជាការប៉ះគ្នារវាងក្រុម Athletic Bilbao ទល់នឹងក្រុម​ Barcelona ជាលទ្ធផលក្រុម Barcelona បានយកឈ្នះក្រុម Athletic Bilbao ក្នុងលទ្ធផល 1-0 ដែលជាការស៊ុតបញ្ចូលទីរបស់កីឡាករ Raphinha ។ ដោយឡែកយើងសង្កេតឃើញថាក្រុមអ្នកគាំទ្រក្លឹប Athletic Bilbao បានបោះក្រដាសប្រាក់ក្លែងក្លាយដែលមានផ្លាកសញ្ញារបស់ Barca បោះពុម្ពលើពួកវានិងមានសរសេរអក្សរ "ម៉ាហ្វៀ" អំឡុងពេលការប្រកួត Laliga រវាងក្លឹបទាំងពីរនៅ San Mames កាលពីយប់មិញ ។ ការធ្វើនេះបានកើតឡើងបន្ទាប់ពីមានការបញ្ជាក់ថា Barca កំពុងត្រូវបានស៊ើបអង្កេតជុំវិញការសូកប្រាក់

Manchester United ត្រូវបានគេរាយការណ៍ថាមានសង្ឃឹមក្នុងការចុះហត្ថលេខាលើខ្សែប្រយុទ្ធ RB Salzburg កីឡាករ Benjamin Sesko។ មិនតែប៉ុណ្ណោះ បិសាចក្រហមត្រូវបានគេរំពឹងថានឹងបន្តការចុះហត្ថលេខាលើខ្សែប្រយុទ្ធកណ្តាលនៅរដូវក្តៅក្រោយដូចជា Victor Osimhen របស់ Napoli និង Harry Kane របស់ Tottenham Hotspur ផងដែរ ពួកគេសុទ្ធតែស្ថិតក្នុងកម្រិតខ្ពស់មួយនៃការចង់បានរបស់លោក Erik ten Hag ។