អ្នកចាត់ការ Christophe Galtier បានបញ្ជាក់រួចមកហើយថា កីឡាករ Neymar នឹងត្រូវសម្រាកព្យាបាលបន្ទាប់ពីរងរបួសក្នុងការប្រកួតដែលបានយកឈ្នះ 4-3 លើក្រុម Lille កាលពីខែកុម្ភៈ ប៉ុន្តែមិនមានការកំណត់ពេលវេលាច្បាស់លាស់សម្រាប់ការជាសះស្បើយនោះទេ ។ យ៉ាងណាមិញឥឡូវនេះ PSG បានបញ្ជាក់ថា របួសរបស់គេកាន់តែធ្ងន់ធ្ងរ ហើយ Neymar នឹងត្រូវការការវះកាត់ ។

Erling Haaland បានបំបែកកំណត់ត្រារបស់ Sergio Aguero សម្រាប់ការស៊ុតបញ្ចូលទីច្រើនជាងគេក្នុងរដូវកាល Premier League ។ នេះបើយោងតាម​​TalkSPORT ។ កីឡាករសញ្ជាតិន័រវេសរូបនេះបានស៊ុតបញ្ចូលទីគ្រាប់ទី ២៧ របស់គាត់ក្នុងលីកនៅរដូវកាលនេះ នៅពេលដែលក្រុមរបស់គាត់បានយកឈ្នះ ៤-១ ទល់នឹង AFC Bournemouth កាលពីថ្ងៃសៅរ៍ទី ២៥ ខែកុម្ភៈថ្មីៗនេះ។ ដោយយកឈ្នះ Aguero ដែលបានរក្សាកំណត់ត្រាអស់រយៈពេលជិត ៧ ឆ្នាំកន្លះបន្ទាប់ពីគាត់បានស៊ុតបញ្ចូលទី ២៦ ដងក្នុងរដូវកាល ២០១៤-១៥ នៃក្របខណ្ឌ Premier League ។

កីឡាករ Casemiro បានផ្លាស់ប្តូរទៅកាន់ក្របខ័ណ្ឌ Premier League កាលពីរដូវក្តៅដោយទទួលយកការប្រកួតប្រជែងថ្មីមួយបន្ទាប់ពីទទួលបានជោគជ័យជាច្រើនឆ្នាំជាមួយក្រុម Real Madrid ។ ជាមួយគ្នានេះ Casemiro បានបង្ហាញពីភាពលេចធ្លោរបស់ខ្លួនជាមួយក្រុម Manchester United ខណៈដែលរូបគាត់ក៏បានពោលសរសើរមិត្តរួមក្រុម Bruno Fernandez ផងដែរ ។ ដោយគាត់បាននិយាយថា “មុនពេលមក Manchester United ខ្ញុំបានបើកទូរទស្សន៍ ហើយមើលការប្រកួតរបស់ពួកគេ… ហើយ Bruno គឺជាកីឡាករល្អបំផុត ។ គាត់គឺជាកីឡាករម្នាក់ក្នុងចំណោមកីឡាករដែលស្ថិតនៅជួរមុខ ។

ជឿជាក់ថាប្រិយមិត្តមួយចំនួនប្រហែលជាមិនទាន់ភ្លេចទេនៅរឿងរ៉ាវដែលអ្នកគាំទ្រម្នាក់បានរត់ទៅទាត់អ្នកចាំទី Aaron Ramsdale នៅអំឡុងពេលប្រកួតរវាង Arsenal ទល់នឹង​ Tottenham Hotspur ។ គាត់ក៏បានសារភាពថាបានបោះកាក់ចំនួន 4 ទៅលើទីលានកំឡុងពេលប្រកួត ហើយត្រូវបានចោទប្រកាន់ពីបទបោះកាំជ្រួចទៅលើកន្លែងលេងបាល់ទាត់ ។

មេធាវីរបស់នាង Kathryn Mayorga ត្រូវបានបញ្ជាឱ្យបង់ប្រាក់ដល់ Cristiano Ronaldo ចំនួន $334,637 ដើម្បីសងថ្លៃឈ្នួលផ្លូវច្បាប់និងសងជម្ងឺចិត្តដែលកីឡាករវ័យ 38 ឆ្នាំរូបនេះបានបាត់បង់ ខណៈពេលដែលការពារនាង Mayorga បន្ទាប់ពីបានចោទថា Cristiano Ronaldo បានរំលោភនាង ។ នាង Mayorga បានចោទប្រកាន់ថា Ronaldo ថាបានរំលោភនាងក្នុងឆ្នាំ 2009 នៅសណ្ឋាគារ Las Vegas

អធិរាជនៃប្រទេសកាតាត្រូវបានគេរាយការណ៍ថាកំពុងសម្លឹងមើលការកាន់កាប់កីឡដ្ឋាន Old Trafford និងក្លឹប Manchester United ។ Tamim bin Hamad Al Thani របស់ប្រទេសកាតា ត្រូវបានគេស្គាល់ថាជាអ្នកគាំទ្របិសាចក្រហម ហើយយោងតាមរបាយការណ៍របស់ Daily Mail រដ្ឋដែលសម្បូរប្រេងកំពុងស្វែងរកទិញក្លឹបពីគ្រួសារ Glazer ។ ម្យ៉ាងទៀតបើយោងតាមសារព័ត៌មាន Daily Star ប្រសិនបើការទិញយកបានជោគជ័យនោះ ទីកន្លែងដែលជានិមិត្តរូបរបស់ក្លឹបមួយនេះអាចត្រូវបានកម្ទេច ហើយជំនួសដោយកីឡដ្ឋានទំនើប និងសម្ភារៈបរិក្ខារផ្សេងៗ។ គួររំលឹកដែលថាថ្មីៗនេះ អតីតតារាបាល់ទាត់របស់ក្លឹបបិសាចក្រហម Cristiano Ronaldo ក៏បានសម្តែងការត្អូញត្អែររបស់គាត់អំពីកីឡដ្ឋាននៅក្នុងបទសម្ភាសន៍ជាមួយ Piers Morgan ផងដែរ។ គាត់បានលើកឡើងពីកង្វះវឌ្ឍនភាពក្នុងការធ្វើទំនើបកម្មកីឡដ្ឋាន និងកន្លែងហ្វឹកហាត់ ដែលជាកង្វល់ចម្បងមួយរបស់គាត់ មុនពេលក្លឹបបញ្ចប់កិច្ចសន្យារបស់គាត់កាលពីចុងឆ្នាំមុន។

កម្ពុជានឹងត្រូវធ្វើជាម្ចាស់ផ្ទះក្នុងការប្រកួត SEA GAME ឆ្នាំ 2023 នេះ ។ ជាមួយគ្នានេះដែរកម្ពុជាបានសម្រេចបញ្ចូលវិញ្ញាសារ គុនខ្មែរ ចូលទៅក្នុងការប្រកួត ។ ជុំវិញបញ្ហាដាក់ឈ្មោះ គុនខ្មែរ នេះខាងភាគីថៃបានកើតទុក្ខមិនសុខចិត្តដោយសារតែមិនដាក់ឈ្មោះថា Mauy Thai ថែមទាំងគម្រាមមិនចូលរួមប្រកួតទៀតផង តែនៅទីបំផុតក៏បានប្រកាសចូលរួមវិញក្រោមហេតុផលថា ប្រទេសថៃស្រឡាញ់គ្រប់ប្រភេទក្បាច់គុន ។

Chelsea បានត្រៀម​ខ្លួន​ជា​ស្រេច​ក្នុង​ការ​ផ្ទេរ​ចេញ​សមាជិក​ដល់​ទៅ​ប្រាំមួយ​នាក់​ក្នុង​ក្រុម​របស់​ពួក​គេ​បន្ទាប់​ពី​ការ​ទិញកីឡាករដ៏គួរអោយភ្ញាក់ផ្អើលក្នុងខែមករានេះ ។ ក្រុមតោខៀវបានចំណាយលុយសរុប 323 លានផោនក្នុងការនាំយកកីឡាករមកចូលរួមក្រុងនៅក្នុងទីផ្សារដោះដូរកីឡាករក្នុងរដូវរងារ ។ ជាមួយនឹងការនាំចូលដ៏ច្រើននេះ អ្នកដែលឈឺក្បាលជាងគេគឺលោកគ្រូបង្វឹក Graham Potter ព្រោះលោកក៏ត្រូវសម្រេចចិត្តលក់ចេញវិញនូវកីឡាករមួយចំនួនផងដែរ ។

ក្លឹបអធិរាជស Real Madrid ត្រូវបានគេរាយការណ៍ថាចាប់អារម្មណ៍ក្នុងការចុះហត្ថលេខាលើតារាឆ្នើមរបស់ Liverpool កីឡាករ Roberto Firmino លើការផ្ទេរដោយឥតគិតថ្លៃមុនរដូវកាលឆ្នាំ ២០២៣-២០២៤ ។ Firmino មានវ័យ ៣១ ឆ្នាំគឺជាផ្នែកដ៏សំខាន់នៃតំបន់ខ្សែប្រយុទ្ធ របស់លោក Jurgen Klopp ចាប់តាំងពីបានមកដល់ពីក្លឹប Hoffenheim ក្នុងតម្លៃ ២៩ លានផោនក្នុងរដូវក្តៅឆ្នាំ ២០១៥ ហើយគាត់បានជួយក្រុមហង្សក្រហមឈ្នះពានរង្វាន់ចំនួន ៧ ផងដែរ។

កីឡាករឡើងជើងខ្លាំងរបស់កម្ពុជា ពូថៅពីឃាត ធឿន ធារ៉ាមានការមមាញឺកជាខ្លាំងក្រោយ ទទួលបានខ្សែក្រវ៉ាត់ Thai Fight នាពេលថ្មីៗនេះ ពោលគឺ១សប្តាហ៍ក្រកួតម្តង ប៉ុន្តែរាល់ការប្រកួតរបស់គេគឹសុតសឹងតែទទួលនូវជ័យជំនះគ្រប់ការប្រកួត